"അവളുടെ കൈകള് നിറയെ കരിവളകളായിരുന്നു,
കാവിലെ ഉത്സവത്തിനു പോയപ്പോള് അവന് നല്കിയ
ഓരോ കുപ്പിവളകളും
അവള്ക്കുവേണ്ടി അവന്റെ പേര്ചൊല്ലി വിളിച്ചുകൊണ്ടിരുന്നു.
ഒടുവില്; കാവിനരികിലെ ഇടവഴിയില് വീണുകിടന്നിരുന്ന
വളപ്പൊട്ടുകളില് കരിവളകളുടെ കള്ളച്ചിരി ഉണ്ടായിരുന്നു..."
സ്ത്രീയുടെ സൌന്ദര്യ സങ്കല്പങ്ങള് പാശ്ചാത്യവും കടന്ന്
കടല് കയറിപ്പോയപ്പോള്, ഇന്നീ കരിവളകള്ക്ക് എന്ത് സ്ഥാനമാണുള്ളത് ?
ഇന്ന് ആരെങ്കിലും കുപ്പിവളകള് അണിയുന്നുണ്ടാകുമോ ?
സ്കിന് ടോണിനും ലുക്കിനും അനുസരിച്ച് ബ്യുട്ടി ആസസറിസ് ട്രൈ ചെയ്യുന്ന
ഇക്കാലത്തെ പെണ്കുട്ടികള്ക്ക് കുപ്പിവളകള് അണിയുക എന്നത്
കുറച്ചിലുതന്നെ ആയിരിക്കാം.
കരിവളയും ചാന്തും കണ്മഷിയുമെല്ലാം ഒരുകാലത്ത്
പെണ്ണഴകിന്റെ പ്രതീകങ്ങളായിരുന്നത്രേ !
ഇഷ്ടപ്രണയിനിക്ക് കാമുകന്റെ സമ്മാനമായും ഇവ മാറിയിരുന്നു...
ഇന്നിപ്പോള് കരിവളയും കൊണ്ട് ചെന്നാല്
ചിലപ്പോള് അന്നത്തോടെ തീരും എല്ലാം.
മൊബൈല് ഫോണും ഐ പോടുമെല്ലാം ആയി മാറി
പ്രണയ സമ്മാനത്തിന്റെ പുതിയ ബിംബങ്ങള്...
ഇന്നിപ്പോള് ഞാനീ കരിവളകള് ആര്ക്കുവേണ്ടി വാങ്ങിയതാണെന്ന്
ചോദിക്കരുത്... "നിക്ക് നാണാവും ട്ടോ ..."
ഹമീട്നടുവട്ടം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ